Bodo Sahitya sobha आफादनि 62 थि जथुम्माव मन्थ्रि ड० हिमन्त बिश्व शर्मा

Kokrajhar, 27 Feb 2023: आसामनि गिबि मन्थ्रि ड° हिमन्त बिश्व शर्माआ मैया कक्राझार जिल्ला पाटगावनि रानी खालाइस्त्रि फोथाराव खुंनाय बर' थुनलाइ आफादनि 62 थि बोसोरसालिया जथुम्मानि गेवलां मेलाव बाहागो लाफैदों। 

बर' थुनलाइ आफादनि 62 थि जथुम्मायाव गिबि मन्थ्रि ड० हिमन्त बिश्व शर्माआ बाहागो लाफैदों। 

गिवि मन्थिआ बुदोदि, बर' राव आरो थुन हारिनिहारियार, बिहारी मनिस गोर्खा थोर सविगोरिया हादतान गेजेराव मिबथिसार जादों। बर' गेजेरजों दिनै बर थुनलाइ आफादआ बे गोलाव सम दावबायनायाव बर' राव हारिमुखौ जौगाखां होनायजों लोगोसे बर' रावखौ मोनसे सोलोंथाय बिजों महरै लाबोनायाव सिगांग्रो बिफाव लानो हादों। 

आसाम सरकारनि लोगोसे सरकारि राव महरै गनायथि जानाय आरो भारतनि संबिजिरनि 8 थि फारिलाइयाव जायगा मोन्नायजों लोगोसे हारिनि गोबां मख' जाथाव जाफुंसारनायाव सायख'नाय बिफाव आजावनानै बर' थुनलाइ आफादआ गोखो सामलायबोनो हादों होन्ना गिबि मन्थ्रिआ बुझे । 

थाखो 12 सिम बर' बिजोङाव सोलोंथाय

बड'लेन्ड सोमावसारनाय समजों लोगोसे ओन्सोलयाव गोजोन गैयै थासारि सोमजिनायाव खौसे आरो गोजोन लाखिनायनि बिधिडावबो बर' थुनलाइ आफादआ गेजेरारि आरो बिगोमा महरै बिफाव आजावनानै बयजोंबो मोजां मोनजानाय आफाद जानो हादों होन्ना गिबि मन्थ्रिआ बुङो। गिबि मन्थ्रिआ बुंदोंदि, फैगौ बोसोरनिफ्राय थाखो 12 सिम बर' बिजोङाव सोलोंथाय होनाय जागोन। 

बिथाङा लोगोसे बुंदोंदि, फरायसालिमाफोरावबो बर' रावनि बिबुंगिरि थिसन्नायनि बिथिआवबो जाफुंसारनो हादौँ। बिथाङा बुंदोंदि, बिटिआरनि आरोबाव गं 10 फरायसालिमाफोरखौ सरकारि खालामनाय जागोन आरो बेनि बाहायनायखौ राइज्यो सरकारआ गथायगोन। गिबि मन्थ्रिआ बुंदोंदि, थांनाय 25 जानुवारीयाव बिटिआरनि सिमनाखौ गहपुरसिम बांहोनायनि बाथ्राख फोसावनाय जादोंमोन। 

Also, Read: What is the Success Keys

बेयो बर' समाजनि हारियारि गाबखो जोबोद गोख्रोंथार खालामगीन। बर 'फोरनि गावआरि सामलायनायनि मोन्थायाव बडफा उपेन्द्रनाथ ब्रह्मआ बिफाव लानायनि बाथ्राखौ मख 'नानै गिबि मन्थ्रिआ बुंदोंदि, फैगौ 31 मार्च आव राइज्यो नाङो फरायसा सान महरै फालिनायनि थाखाय थांखि लानाय जादों । 

आखाइजों आखाइ हमलायनाने खामानि मावनांगोन

बड 'लेन्ड ओन्सोलयाव गोजोन आरो गोरोबलायनायनि थासारिखौ जोबोद गोख्रों खालामनायनि थाखाय आखाइजों आखाइ हमलायनाने खामानि मावनांगोन होन्नानैबो गिबि मन्थ्रि बुडो । आसाम बिधान सभायाब बर' रावआव बिबुंथि होनाय, खामानि सामलायनायजों लोगोसे गासैबो लेखा बिलाइफोरखौ फोसावनानै आसाम बिधान सभानि बुंधिगिरि।

बिस्वजित दैमारीआ बिफाव लानायनि बाथ्राखौ मख' नानै गिबि मन्थ्रिआ बुंदोंदि, बेयो बर' रावनि फारसे थि मान होनायखौ फोरमायदों। 1962 माइथायाव आसाम सिभिल सिबिथायनि नेमत्वादियै सरकारि बिबानगिरिफोरा जायखि-जाया मोनसे हारिनि राव सोलोंनाया गोनांथार मोनब्लाबो बे बिथिङाव जर 'खा राहा लानाय जायाखैमोन। बड'लेन्ड खुंथायारि बिबानगिरि फरायसालिमायाव IAS, IPS, ACS आरो APS बिबानगिरिफोरनि थाखाय बाहायथारनांगौ महराव हारिनि राव सोलोंनायनि राहा लानाय जागोन होन्ना गिबि मन्थ्रिआ बुझे। 

गाहाइ मन्थ्रि नरेन्द्र मदि आरो मिरु नखर मन्थ्रि अमित शाहनि नाजानायाव गासै ओन्सोलावनो गोजोन थासारि फैदों होन्ना मख 'नानै गिबि मन्थ्रिआ बुंदोंदि, जौगाखांनायनि हाबाफारिखौ जोबोद गोखै खालामनो गोजोन आरो सोमावसारनायखौ नेवसिनानै मोनसे थासारि सोर्जिनाया जोबोद गोनांथार। 

इirst bodo sahitya sabha

गिबि मन्थ्रिआ बुंदोंदि, जनजाति समाजयाव सोलोंथायखौ मोजां मोनहोनायनि थाखाय खामानि मावनायनि सम फैबाय। चिरां जिल्लाया सोलोंथायनि बिथिडाव गाज्रि फिथाइ दिन्थिनायनि बाथ्राखौ मख 'नानै गिबि मन्थ्रिआ बुंदोंदि, बर' थुनलाइ आफाद, दुलाराय बर' फरायसा आफाद आरो बिटिआर खुंथाया सोलोंथायारि बिथिंखौ जौगाखां होनो थाखाय रोखायै बिजिरनांगोन। 

बे हारिफोरा राजखान्थियारि आरो गावआरि सामलायनायनि गाज्रि फिथाइ मोन्नायनि उनाव सोलोंथायखौ जौगाखांहोनायनि थाखाय खामानि मावनायनि गोनांथि सौफैबाय। आथिखालाव गासैबो । S बिथिङावनो बादायलायनायनि थासारि सोरजिजाबाय। बे बिथिङाव हारिनि गोदान जोलैखौ बादायलायनाय थांखिजों सिगांलांनायनि बिथिङावबो साफ्रोमबो गोनोंयै खामानि मावनांगोन। थांनाय बोसोराव तामुलपुराव खुंजानाय बर' थुनलाइ आफादनि जथुम्मायाव मोनफ्रोमबो जिल्ला थुनलाइ आफादनिसिम 50 लाख राङ गथायनायनि बाथ्राखौ मख 'नानै गिबि मन्थ्रिआ बुंदोंदि, आथिखालाव गवालपारा, धेमाजी, डिब्रुगड़, कार्बिआलं, नगाव, नलबारि जिल्ला थुनलाइ आफादनो 50 लाख राडै गनायथिनाय जाबाय। 

Also, Read: मजदूर दिवस: Labor Day is celebrated every year on May 1

गासै दर 21 जिल्ला थुनलाइ आफादनो रांखान्थियारि अन्सुंथाय गथायनाय जागोन होन्ना बिथाडा बुडो । गिबि मन्थ्रिआ बर' थुनलाइ आफादखाँ मोनसे गोजौ थाखोनि सोदोब बिहुं थियारि खालामनो खावलायदों। बेनि थाखाय राइज्यो सरकारआ रांखान्थियारि अन्सुंधाय गथायगोन होन्ना बिथाडा बुडो ।

first bodo sahitya sabha

who is the president of Bodo sahitya sabha

bodo sahitya sabha tamulpur

which bird is there in the emblem of Bodo sahitya sabha

bodo sahitya sabha president list

61st bodo sahitya sabha

bodo sahitya sabha founder

bodo sahitya sabha emblem