फरायसाफोरनो स्कुटार Scooter distribution under Dr Banikanta Kakati

 दिसपुर: Scooter distribution under Dr Banikanta Kakati Merit Award will be completed by December. गिबि मन्थिआ ड० बानिकान्त काकटि गुन गोनां बान्थानि गेजेरजों फरायसाफोरनो स्कुटार 

फरायसाफोरनो स्कुटार Scooter distribution under Dr Banikanta Kakati

राइज्योनि गिबि मन्थ्रि ङ० हिमन्त बिश्व शर्माया दिन बुधबारखालि गुवाहाटीनि कानापारायाव थानाय जुनात फरायसालिमा गेलेग्रा फोथारआव मोनसे हाबाफारि खुंफुनायनि गेजेरजों 2022 बोसोरनि गोजौसिन गेजेर फरायसालिनि जोबथा आन्जाद थामहिनबा HS जोबथा आन्जादआव 75 जौखोन्दो आरो बेनि बांसिन नम्बर मोन्नो हानाय गुन गोनां फरायसुला- फरायसूलिफोरनो ड० बानिकान्त काकटिनि मेरिट बान्था बिथांखिनि आवथायाव स्कुटी रान्नाय हाबाफारिखौ बेखेवनानै होबाय।

 फाइल: फरायसाफोरनो स्कुटार Scooter distribution under Dr Banikanta Kakati

प्राग्य भारती स्कीमनि आवथायाव बे बोसोराव गासै सा 35,800 फरायसुला-फरायसुलिफोरनो ङ बानिकान्त काकटि मेरिट एवार्ड महरै स्कुटी होनाय जागोन । बेनिनोसा 6,052 हौवासा आरो सा 29,748 हिन्जावसा फरायसुलिफोरनो बे गुन गोनां बान्धानि गेजेरजों स्कुटी होनाय जागोन। 

बे बान्धानि थाखाय एबा बान्थाखौ मोन्नो थाखाय हौवासाफोरा एइसएस जोबथा आन्जादआव 75 जौखोन्दोनि बांसिन नम्बर मोन्नाय जानांगोन आरो हिन्जावसाफोरनि थाखाय 60 जौखोन्दो एबा बेनि बांसिन नम्बर मोन्नो हानाय जानांगोन। दिनै गिबि बेखेवजेन्नाय हाबाफारि बादियै गिबि मन्थ्रि ङ हिमन्त बिश्व शर्मानि नुजाथिनायाव कानापारायाव खुंनाय मोनसे हाबाफारिनि गेजेरजों कामरुप मेट्र आरो कामरुप रुरेल जिल्लानि फरायसाफोरनो स्कुटी गथायग्रोनाय जायो।

गुबुन जिल्लाफोरावबो सायख'जानाय एवा मोन्नो हाथाव फरायसुला-फरायसुलिफोर बे गुन गोनां बान्धानि स्कुटीखौ डिसेम्बर दाननि गेजेरावनो रानजोबनाय जागोन। वे स्कुटी रान्नाय हाबाफारिआव गिबि मन्थ्रि हिमन्त बिश्व शर्माया बुडोदि; ङ० बानिकान्त काकटि गुन गोनां बान्था होनायखौ आसाम सरकारआ फरायसुला-फरायसुलिफोरखौ फरायनाय बिथिड़ाव थुलुंगा होनाय आरो बांसिनै गोसो दुखांहोनायनि गाहाइ थांखिजों जागायनाय जादों आरो बेयो सोलोंथाय. बिथिडाव राइज्यो सरकारनि मोनसे जारिमिनारि जागायनाय ।

जायफोर फरायसाफोरा गोब्राब नाजानायनि गेजेरजों मोजां नम्बर लानानै उथ्रिसारनो हागोन बिसोर फरायसुला- फरायसुलिफोरा राइज्यो सरकारनिफ्राय मोन्नो हाथाव गासै खाबुफोरखौ मोन्नो हागोन। 2022 माइथायनि एइसएस जोबथा आन्जादआव मोजां नम्बर लानानै बे ङ बानिकान्त काकटि गुन गोना बान्धानि थाखाय सायख 'जानो हानाय साफ्रोमबो फायसुला-फरायसुलिफोरखौ बरायनायजों लोगोसे बिसोरनि इयुन गोजोननि थाखाय हामलायथि जासियो ।

लदरनि गाहाइ मन्थ्रि नरेन्द्र मंदिआ फैगौ 25 बोसोरनि गेजेराव अमृत काल महरै गायसन्नो हार्दरनि साफ्रोमबो नोगोरास्फिोरखौ खावलायनायखौ रायखांनाने गिबि मन्थ्रि शर्माया आसाम आरो भारत हादरखौ दरसे गोखों हादर महरै दाऊंनाय आरो जौगाखांहोनायाव सासे सुबुं सम्पद महरै बाहागो लानो हानायबादि गावखौ बाउसोमनानै गोजौ सोलोंथाय लानो थाखाय गुन गोनां फरायसाफोरखौ खावलायो ।

दिनैनि वे स्कुटी रान्नाय हाबाफारिनि गेजेरजों गिबि मन्थ्रि ङ हिमन्त बिश्व शर्माया राइज्योनि हिन्जावसा फण्यसुलिफोरनि थाखाय मोनसे गोजोन्थाव खौरां फोसावदों । गिबि मन्थ्रिआ फोसांवनाय बे गोजोन्थाव खौराडा जाबाय-राइज्यो सरकारआ राइज्योनि गोजौ सोलोंथाय फसंथानफोराव पस्ट ग्रेजुएट सोलोंथाय लानो थाखाय आइजो फ्ररायसुलिफोरनो बोसोरफ्रोमबो साफायाव 10 रोजा रां रांखान्थि अन्सुंथाय होनो थांखि लादों।

राइज्यो सरकारनि वे थांखिआ राइज्योनि आइजो फरायसुलिफोरनि सोलोंथायारि आबहावाखौ गोख्रोंसिन खालामनाय आरो आइजोफोरनि सोलोंथाय मानदान्दाखौ फोजौखांनायनि मोनसे बिदिन्थि जागोन होन्नानै गिबि मन्थ्रिआ फोरमायथियो। जायफोर आइजो फरायसुलिफोरा पस्ट ग्रेजुएट सोलोंथाय लागोन बिसोर फरायसुलिफोरखौ आसामनि सोलोंथाय विफानआ फैगौ माखासे सप्ताहफोरनि उनाव बेखेवनो गोनां पर्टेलनि गेजेरजों आरज खालामनो हागोन होन्नानैवो गिबि मन्थ्रि शर्माया खावलायो।

दिनैनि बे फरायसुला-फरायसुलिफोरनो स्कुटी रान्नाय हाबाफारिआव गिबि मन्थ्रि ड० शर्माजों लोगोसे सोलोंथाय मन्थ्रि ड रनज पेंगु, आसामनि केबिनेट मन्थ्रिफोर चन्द्र महन पाटवारि,अतुल बरा, आसाम सरकारनि सोलोंथाय बोसोनगिरि ननिगपाल महन्त, आसाम आइन आफादनि एमएलए मानव डेका, आसाम हायार सेकेन्डारि इडुकेसन काउन्सिलनि मासिगिरि रुकमा गहाइ वरुवा आरो हायार इडुकेसन विफाननि,नेहाथारि नारायन कनवारजों लोगोसे गुबुन गोबां विवानगिरिफोरावी बाहागो लादोंमोन। 

Scooter distribution under Dr Banikanta Kakati Merit Award will be completed by December. Will ask Education Dept to give electric scooters to meritorious students from next year. pic.twitter.com/dkNrkH5gGQ

— Himanta Biswa Sarma (@himantabiswa) November 30, 2022