गसाइगाव फरायसालिमायाव संबिजित सान फालिदों
बसुमतारिआ संबिजितनि गेजेरजों होनाय बिथोन, मोन्थाय, मावबिवान बायदिनि बिथिडाव फरायसुला-फराय सुलिफोरखौ सांग्रां जानो खावलायो। लेडाइ गोरायुं धनन्जय ब्रह्मआ संबिजित थियारि खालामग्रा दैदेनगिरिफोरखौ मान बाउनानै फरायसुला-फरायसुलिफोरखौ माव बिबान फालिनो खावलायो ।
मेलआव ङ मिनाक्षी पाठक, ड रेजिना मारान्दि, अनामिका दास, ए एइस आन्सारि, गपाल बर्मनमोनहावी विर्बुधि होयो । बिबुंगिरि मुस्त्रिमा पापरि काकटिआ दोंसे गोसो बोनो हानाय हादर मोजां मोन्नाय मेथाइ रोजावनानै मेलखौ मेहेर गोनां खालामो । फरायसुला-फरायसुलिफोरनि गेजेराव सुसिला लाखा, मरमज्यति ताइमोनहाबो विबुंथि होनाय हाबाफारिआव ङ० अनुरानि ब्रह्मआ बयखौबो सफाइखर बाऊयो।
फाइल: आसामआवबो संबिजिर सानखौ मेहेरगोनाडै फालिदों what day is it today? |
आसामआवबो संबिजिर सानखौ मेहेरगोनाडै फालिदों
हादतनि संबिजिर सानखौ दुलाराय हादतनाङे बायदि बायदि हाबाफारिनि - गेजेरजों फालिनाय बायदिनो आसामआवबो राइज्यो सरकारनि बान्जायनायाव हादतनि संबिजिर सानखौ मेहेरगोनाडै फालिदों । आसामनि राइज्यो बेंगिरि जगदिस मुखिआ दिनैनि बे संबिजिर सान फालिनाय हाबाफारियाव भारत हादतखौ मुलुगनि गेजेरावनो देरसिन सुबुंखान्थि हादत होन्नानै मख 'दों, जाय हादतआ गावहानो आंगो संबिजिरारि खान्थि आरो सुबुं खान्थिजों उदाङे सोलिनो हायो ।
राजभवनआव खुंनाय दिनैनि बे संबिजिर सान फालिनाय हाबाफारियाव राइज्यो बेंगिरिया बुंबावोदि, भारतनि संबिजिरखौ दाजेन्नाय समनिफ्रायनो हादतआव गासै बिथिडावनो आइन आरो आबुधिजों गासै खान्थिफोरखौ मानिनानै सोलिबोदों । जाय संबिजिरआ हादतनि साफ्रोमबो नोगोरारिफोरनि थाखाय समान मोन्थाइ आरो उदां थासारिखौ जगायनाने होबोदों ।
संबिजिर आरो हादतनि नोगोरारिफोरनि गेजेराव थानाय सोमोन्दोखौ रायखांनानै राइज्यो बेंगिरिया बुंबावोदि, संबिजिरआ हादतनि नोगोरारिफोरखौ गोहो गोरा खालामो आरो हादतनि राइज्यो - राजाफोरा संबिजिरजों मानिनानै सोलिना मोन्नांगौ मोन्थाइफोरखौ लानानै हादतखौ गोखोंसिन खालामो । संबिजिरआ सानफ्रोमबोनि थाखाय नोगोरारिफोरनि खामानि मावनायाव बाहायजायो आरो बेनो हादतखौ सिगांफारसे दैदेनलांनाय आरो गोख्रोंसिन खालामनायावबो बिहोमा होयो ।
जों साफ्रोमबो हादतनि संबिजिरखौ दानो थाखाय सानखांग्रा आरो खामानि मावग्रा गेदेमाफोरखौ गोसोखांनांगोन आरो मान बाउनांगोन । बिथांमोननि सानखांथिदों हादतनि संबिजिरखौ दानायाव दिनै भारतआ मुलुगनि गेजेरावनो दरसे आब्रुथि गोनां हादत आरो गोहो गोरा हादत महरै सिनायथिजानो हादों ।
बेनिखायनो जों साफ्रोमबो भारतनि नोगोरारिफोरा संबिजिरारि खान्थिखौ मानिनानै सोलिनांगोन आरो हादत दांफुंनायाव बाहागो लाफानांगोन होन्नानै राइज्यो बेंगिरिया फोरमायथिबावो । दिनैनि बे गोथार सानाव राइज्यो बेंगिरि मुखिआ हादतनि संबिजिर जोनोम होगिरि ङ० राजेन्द्र प्रसाद, ड० बि आर आम्बेदकारमोनजों लोगोसे गुबुन गोबां गेदेमाफोरनो मान बाउदों ।
Post a Comment
Thanks for messaging us. If you have any doubts. Please let me know.