आबादारिफोरनो 404 Crore रां होनायनि अनुमथि होबाय : अतुल बरा

 आबादारिफोरनो 404 Crore रां होनायनि अनुमथि होबाय : अतुल बरा: ©Provided by Bodopress/Lohit Boro

17 May 2021: रायजोनि आबादारि बिफाननि मनथ्रि अतुल बराया बुंदोंदि सारा 12.50 आबादारिनि नखरफ्रा प्रधान किशान मन्त्रि सम्मान निधि (PM-KISHAN) बिथांखिनिफ्राय मुलाम्फा मोनगोन।  

रबिबारखालि अतुल बराया Sentinel आव बुङो, "मिरु सोरखारा बावैसो सिगां आसामनि आबादारिफोरनि थाखाय 404 Crore रां  PM-KISHAN फाण्डनि अनुमथि होखाबाय। रांखौ आबादारिफोरनि बैंक account आव थोंजोंङै सोनानै होगासिनो। आं फाण्डनि अनुमथि होनायनि थाखाय मिरुखौ साबायखर बावो।"

रां मोनथावना आबादारिफोरनो instalment खानथियाव होनाय जागोन होननानै बुंदों। Prime Minister Narendra Modi आ  PM-KISHAN बिथांखिनि बे 8th थि instalment नि रांआरि मुलाम्फा मोनगोन धोनखौ 14th मे 2021 आव आदायो। आबादारि फोरा खेबफायाव 2000 रां मोनगोन होनना बुंदों।