bihu festival in hindi(Bodo) बैसागुआ आसामनि बर'फोरनि मोनसे मुंदांखासिन माहारियारि फोर्बो। Baisagu (Rongali Bihu) is famous festival of Bodo People

Apr 11, 2021: रंजालि बैसागु/Lohit

bihu festival in hindi(Bodo), बैसागुआ आसामनि बर'फोरनि मोनसे मुंदांखासिन  माहारियारि फोर्बो। असमिया सुबुंफोरा बैसागुखौनो  बहाग बिहू  होननानै बुङो। बैसागुनि ओंथियानो जादों गोदानै जागायजेनाइ बोसोर गोदान। बैसागु बोथोरा   Assamese Year आरो Bengali Year नि गिबि जागायजेननाय दान। 

bihu festival in hindi,(Bodo) ,बैसागुआ आसामनि बर'फोरनि मोनसे मुंदांखासिन  माहारियारि फोर्बो। Baisagu (Rongali Bihu),  is famous festival ,of Bodo People. 

बैसागुनि ओंथिखौ सरासनस्रायै दासिमबो रोखायै  बुंनो हायाखै। The Bwisagw festival is observed  by bodo folk society since immemorial time . जदिअ बैसागुआ रोखा ओंथि गैया अब्लाबो गुबुन -गुबुन बर'फोरनि सान्थौगिरिफ्रा बैसागुनि ओंथिखौ गुबुन-गुबुनै सान्दांथि होनानै बुंदों।  

 कामिनि  नारजारिनि बायदिब्ला, बैसागुआ मोनसे बर' सोदोब बिहा गुदि  सोदोब दङो।''बैसा''नि ओंथिया जादों ''बोसोर एबा बैसो'' आरो  "आगु "नि ओंथियानो जादों "जागायनाय" । थाम्हिनबा बैसा+आगु - बैसागु ,बोसोरनि जागायजेनाय सम।"

According to  Mangalsing Hazoary, "Bwisagw means bwswrni agu  bwisagw means front of the year ". 

    बैसागो बोथोरा दुफां बोथोर हाबजेननाय समनिफ्रायनो जागायो। बेयो एप्रिल दाननि गेजेर खालाराव गोगलै हैयो।   बैसागुखौ असमिया आरो बेंगाली कलेण्डरनि गिबि बैसाग दानाव फालिनाय जायो। बैसागुखौ मोन्नै रोख़ोमै सिबिनाय जायो। जेरै - मोसौ थुखैनाय आरो मानसि बैसागो। 

 मोसौ थुखैनाय: मोसौ थुखैनायखौ सैथो दाननि जोबथा सानखालि गिबि फालिथाय महरै फालिनाय जायो।बै सानखालि गासैबो मोसौ-मैसोफोरखौ हांगार आरो थाव गुबैजों गलायना बानायनाय फोथाखौ मोसौनि मोदोमाव रायदों थाराजों फोनफ'बो आरो लाव,फान्थाव हाल्दैनि  माला सुनानै मोसौनो गानहोयो। फोथाफोरखौ फोनखांनायनि उनाव दैमासिम मोसौफोरखौ थुखैनो लांनाय जायो।मोसोखौ दैमासिम लाना थांनाय समाव बर'फ्रा माखासे आइजेंफोर बाहायो।जेरै-दिगिलिटि लावथि, मोखोना बिबार,खात्रि बिबार आरो रायदों बिलाय।लोगोसे औवानि फिसा -फिसा लावथि बानायना लाव ,फान्थाव,देवा फिथायफोरनि माला सुना लानानै मोसोखौ दैमासिम खुबैना लाङो आरो थुखैयो।मोसौ थुखैनाय समाव रोजानाय जायो। जेरै-

             "लाव जा फानथाव जा"

         बोसोर बोसोर  एर हान्जा हान्जा ,

          बिमानि खिथेर,बिफानि खिथेर ,

         नोंसोर जागोन हालोवा गिदिद , 

          बिमा गायदे बायदि दाजा, 

         बिफा बलद बायदि जा ,

          बारि खनानि एब्लु बंग्ला ,

          बेबादि जा गिदिर जांगिला."  

मोसौ थुखै खांनायनि उनाव मोसौ रसाफोरखौ गोदानै लागायनाय जायो आरो दोनदाल होनाय जायो। 

   मोसौ-मैसो थुखैखांनायनि उनाव एबा बिनि सानसे आगोलनो हाग्रानिफ्राय नागिरनानै खनसायना दोनखानाय 100 निबो बारा गोखा-गोखै मैगं-थायगंफोरखौ जहैनो गलाय मोनदेर खालामना संना जायो। बैफोरखौ बेराम आजार हामो होनना बोसोराव जानाय जायो। बेफोर मैगं -थायगङा जादों -मानिमुनि, खिफि बेन्दों , लाफा सायख',खुंखा बिलाय ,गौरलै खान्थाल आरो थायजौ फिथाय बाइदि बायदि।  

 मानिमुनि 

खिफि बेन्दों

    बेफोरनि अनगायैबो बर'फ्रा खायफा गोदोनि हरिमुनिफ्राय सोलिबोनाय बायदियै नावनो बानायनाय जौ बिदै,मायब्रा बिदैफोरखौ लोङो।

         मानसि बैसागु : मोसौ बैसागो जोबनायनि अखानायैनो मानसि बैसागो फालिनाय जायो। मानसि बैसागुखौ स्नि सानसिमहालागै फालिनाय जायो।मानसि  बैसागुनि स्नि सान फालिथायनि गुबुन-गुबुन बाहोगोफोरखौ गुबुन -गुबुन मुं दोन्नाय जादों --- गिबि सानखौ  मानसि बैसागु, नैथि सानखौ सैमानि बैसागु ,थामथि सानखौ अमानि बैसागु ,ब्रैथि सानखौ दावनि बैसागु ,बाथि सानखौ हांसोनि बैसागु दथि सान आरो स्निथि सानखौ आलासि आरो लोगो बरायनाय बैसागु बुंनाय जायो। बै सानखालि जोंनि बर'फोरा बाथौ  थानसालियाव खुलुमो आरो आरज गाबो।थिग बेबादिनो उन्दैफोरा गेदरखौ मान होना खुलुमो आरो गेदेरफ्रा उन्दैफोरनो बोसोन होयो आरो बोर सारस्रियो। खायफाया नैथि सान्निफ्रायनो आरो खायफाया बिनि अखानायैनिफ्राय नखर -नखर, गामि-गामि खाम-सिफुं, जथा, सेरजा,थरखा दामना ,मेथाय खन्ना मोसाथिंनानै मागियो। मोसानाय-मागिनाय समाव हौवाफोरा गोदान गामसा आरो हिन्जावफ्रा गोदान दखना गानो। लोगोआव गोदोनायाव अर'नाय फानफ'बो । बैसागु मागिनाय समाव जंखायलायनाय मेथाय ,गोसोथोनाय मेथाय ,मावनाय दांनाय मेथाय फोरखौ रोजाबनाय जायो।  

         रंजालि बैसागो बोथोरनि समाव  सेंग्रा-सिख्लाफोरनि ज'-ज ' मोसालायनाया मोनसे खौसेथि लाबोयो। गाज्रि मोनलायनाय फोरखौ बावगारहोयो। 

          दुफां बोथोरनि समाव बिफांनि गोर्लै बिलायफ्रा खिलिनो हमो आरो आसामनि माहारियारि कपौ बिबाराबो बारनो लायो। थारैनो बै समाव मिथिंगायारि नुथाइयाबो सोमखोर बिलायजों समायसोगारो। बिनिखाइनो बुंनाय जायो रंजालि बैसागुआनो साबसिन माहारियारि रंजाथाय फोर्बो।