-->

Baksa District All Assam Tribal Sangha Conferences बर' रावजों रादाब

Baksa: बाक्सा जिल्ला दुलाराड़ आसाम ट्राइबेल फरायसा आफादनि बान्जायनायाव सांग्रांथि मेल खुंदों।  बाक्सा जिल्लानि सिङाव थानाय किशाब नोगोरआव मैया बाक्सा जिल्ला दुलाराइ आसाम ट्राइबेल फरायसा आफादनि बान्जायनायाव मोनसे लिगेल सांग्रांथि हाबाफारि खुंनाय जादोंमोन  । 

 

बाक्सा जिल्ला दुलाराइ आसाम ट्राइबेल फरायसा आफादनि आफादगिरि ट्रयलक जित गयारिनि मासि सामलायनानै दैदेन्नाय दिनैनि बे लिगेल सांग्रांथि मेलआव आसामनि थागिबि ट्राइबेल हारिफोरनि बेल्ट एन्ड ब्लकनि रैखाथि, हानि रैखाथि आरो मोन्थाइ, ट्राइबेल मोन्थाइ, सोलिफु समाव आसामआव ट्राइबेल हारिफोरनि जेंना आयदाफोरखौ लानानै गुवारै सावरायलायनाय जादों । 

All Assam Tribal
File: Baksa District All Assam Tribal Association Conferences 


दिनैनि बे सांग्रांथि मेलआव गाहाइ आलासि महरै बाहागो लाफैदों बिटिसिनि बारग' प्रिन्सिपाल सेक्रेटारि जनइंटि काठारआ । लोगोसे बुंथिगिरि महरै बाहागो लादों गुवाहाटी बिजिरसालिनि बिजिरगिरि आरो दुलाराइ आसाम ट्राइबेल फरायसा आफादनि गाहाइ बोसोनगिरि राजु देवरि, लोगोसे माननि आलासि महरै बाहागो लादों दुलाराइ आसाम ट्राइबेल फरायसा आसामि आफादगिरि हरेस्वर ब्रह्मआ। 


दिनैनि बे हाबाफारियाव गाहाइ आलासि महरै बाहागो लाफैनाय जनइंटि काठारआ गावनि बिबुंथि लाखिनाय समाव आसामनि थागिबि ट्राइबेलफोरनि सायाव सोलिफु राइज्यो सरकारनि नासय़नाय, गादबनाय आरो मोन्थायनिफ्राय जानगाराव दोन्नाय गोबांथार बाथ्राफोरखौ राइखांनानै राइज्यो सरकारखौ गोखों रावजों सोंखारिदों। 

बिथाडा गावनि बिबुंथियाव सोलिफु बिटिआर सरकारआ आसाम सरकारजोंसो सामलायजायो होन्नानैबो फोरमायदों। बिथाडा बुंदोंदि, सोलिफु बिटिआर गोरोबथानिफ्राय सिगांनि बिटिसि गोरोबथाया गोहो गोरासिनमोन । बिटिसि गोरोबथायाव र 6थि फारिलाइ बायदियै संबिजिदनि खान्थि बादियै बिटिसिखौ दानानै होदोंमोन आरो 6थि फारिलाइनि गोहोखौ लानानै बिटिसिखौ सामलायदोंमोन । 

नाथाय बिटिआर गोरोबथानि उनाव बिटिसि काउन्सिलआ खामानि गैयै जादों। मानोना सोलिफु समाव बिटिसिआ आसाम सरकारनि बिथोनबादियैसो सामलाय जायो। सिगांनि बिटिसि काउन्सिलनि थाखानाय गोहोफोरखौ आसाम सरकारआ लांफिन्दों आरो सोलिफु राइज्यो सरकारआ ट्राइबेलफोरनि सायाव नासयबोदों आरो इनाय - उतखार खालामबोदों होन्नानै गोखों रावजों बुथियो बिथां जनइंटि काठारआ । 

बे हाबाफारियावनो बाहागो लाबावनाय ट्राइबेल फरायसा आफादनि गुबुन दैदेनगिरिफोराबो आसामावं ट्राइबेलफोरखौ नासयनाय, मोन्थायनिफ्राय जानगाराव दोन्नायखौ बन्द' खालामनानै ट्राइबेलफोरखौ रैखाथि होनाय, हानि मोन्थाय होनांगौ होन्नानै राइज्यो सरकारनिसिम दाबि दैखाडो । 

लोगोसे आसामनि ट्राइबेल बेल्ट एन्ड ब्लकआव आयेन बेरेखायै आवग्रिनानै थानाय गासै नख 'रफोरखौ होखार त्रांनो आरो हाम्रा ओन्सोलाव राइज्यो जानाय ट्राइबेल सुबुंफोरनो हानि मोन्थाय एबा फोरमानबिलाइ होनांगौ होन्नानै सरकारनिसिम दाबि दैखाड़ने। दिनैनि बे सांग्रांथि मेलआव ओन्सोलनि ट्राइबेल हारिनि गोबां दैदेनगिरि, मेलेमजिबि सान्सुमै आरो ओन्सोलनि राइजो - राजाफोरा बाहागो लादोंमोन। 

The 23 tribes of Assam are Assamese, Boro, Dimasa, Barman, Karbi, Rabha, Koch, Tiwa, Deori, Mising, Garo, Hajong, Tai Aiton, Tai Khamyang, Khamti, Singpho, Hmar, Meitei, Tai Phake, Kamtapuri, Bishnupriya Manipuri, Punjabi, Bihari languages, Santali, Marwari, Sadri, Nepali, Bengali, other Bengali-Assamese languages, etc.


बेखौबो फराय: Two Injured by Rhino Attack in Kaziranga Park, बर' रावजों रादाब 



Post a Comment

Thanks for messaging us. If you have any doubts. Please let me know.

Previous Post Next Post

Offer

<

Mega Offer