U.P फतेहपुर जिल्ला नि गंसे नखराव 50 था जिबौ ओंखारदों

May 13, 2021: U.P. फतेहपुर जिल्ला नि गंसे नखराव 50 था जिबौ ओंखारदों: फतेहपुर जिल्ला  जहानाबाद पुलिस मिरुनि सिङाव थानाय लागनाज ओनसोलनि गंसे नखराव जिबौ ओंखारदों। बियो गिखांनाय सोमजिहोदों।

U.P फतेहपुर जिल्ला नि गंसे नखराव 50 था जिबौ ओंखारदों: ©Provided by Bodopress/Lohit Boro 

नखरनि बिगोमा Gaya Prasad बुंदोंदि, बियो गिबियाव मासे फिसा जिबौखौ बिनि नवाव मंगलबार  खालि बेलासे समाव नुदोंमोन आरो बियो बिसोरखौ हमदोंमोन आरो फोथाराव हगारना होदोंमोन। उनाव आरोबाव मोनाबिलि समआव गामि आरो ननि खना-खनला जायगानिफ्राय निफ्राय जिबौआ ओंखारदोंमोन आरो गामियारिफ्रा गोबां थुबुर जादोंमोन। सासे जिबौ हमग्राखौ (snake charmer)  लिंहरनाय जादोंमोन आरो जिबखौ हमदोंमोन आरो दसे उनाव खाथिनि हाग्रा ओनसोलाव  हगारना होनाय जायो।      

"दायो गासै  50 थासो जिबौ हमबाय आरो हाग्रायाव हगारना होबाय।  गंसे नखराव मासे एबा मानै जिबौआ थाखायो नाथाय खेबसेआवनो गोबां जमायै जिबौ ओंखारनायखौ आं माब्लाबाबो नुफेराखैमोन" होनना  Gaya Prasad आ बुङो। 

बे जाथाया ओनसोलनि सुबुंफोरखौ गिनाय आरो खमफिनाय सोमजिहोदों आरो गथ'फोरा बे नवाव थानो नाङा होनना  सुबुंफोरा बुंदों। बेबायदि एखे जाथाया 2018 मायथायाव Meerut जिल्लायाव जादोंमोन जेराव 150 जिबौआ Salim Ahmed नि नआव ओंखारदोंमोन।   

Gaya Prasad नि नखराव गंसे गुदुंनाव जिबौआ बिदै दैनायनि जाहोनाव बिफोर सोमजिदों होनना  forest  officials आ उनाव बुंफोरनानै होयो।